الكل بياكل في بعضه زي الدود الكل بيقطع في بعضه الكل بيتخانق مع بعضه مين إللي حيفوز بالتورته مين إللي حيطلع بنصيب الأسد من التورته ... عيني عليكي يا بلدي و أنت بتتقطعي عيني عليكي يا بلدي و أنت بتتخرطي .
السلفيين ظهروا و بقى لهم صوت !! و الإخوان خلاص طلعوا من القمقم !! و خناقة بينهم و بين العلمانين حنهِد الأضرحه لأ حنعمل حزب لالالا مينفعش الدين في السياسة خلوها مدنيه !! و الأقباط بيتفرجوا بحذر ها حتغيروا المادة التانية من الدستور ولا لأ ؟ عمرو موسى رئيس لالالا البردعي الرئيس و مرتضي منصور أنا جاي و راكب معاكم !!.
لخبطة !!! بس أنا شايف إن السبب في كل ده الإعلام و الفضائيات كل واحد يطلع يقول أي حاجه و خلاص المهم يخطف الأضواء المهم أنه يتلمع أمام الجمهور في النهاية إعلانات البرامج تكسب مش مهم إللي حيقولوه حيخرب الدنيا ولا لأ المهم نسبة المشاهده تزيد و في النهايه البلد تروح في داهيه طيب بذمتكم أهي تونس جنبنا و فيها ثورة زينا بتشفوهم بيكلوا في بعض زينا ؟ بلاش تونس بصوا على أي بلد تانيه فيها الكلام ده ؟ و إحنا للأسف مازلنا مش واخدين بالنا يا سادة يا إعلامين و يا فضائيين إتقوا ربنا شويه
خواطر / إسلام قطب
المشاركات
0 التعليقات:
إرسال تعليق