في البداية أحب أولا أوضح بعض الثوابت : أنا مش منتمي لأي حزب سابق أو حالى أو تحت التأسيس إطلاقا ، أنا مش علماني و أن كانت العلمانية ليست سُبة ، أنا لست كافر و موحد بالله لأن هذا المقال قد يغضب الأخونجية و من الممكن أن أتهم بالخيانة و العماله و الإختلاف في الرأي لا يفسد للود قضيه و في النهاية فهو رأيي .
منذ عام 1992 كتب الله علي أن أحتك بهم و أتعامل معهم . يحللوا لأنفسهم ما يحرمونه على غيرهم !!! يتلونون حسب الموقف يتقربوا إلى من هو سينفعهم بيظهروا باطن الحقيقة و غاية الدين عندهم الوصول للسلطة أيان كانت سواء نقابه أو مجلس إداره أو مجلس شعب . طيب نحلل الكلام ده :
أثناء التعديلات الدستوريه إللي فاتت طلع قادة الأخوان بشوية تصريحات منها نعم من أجل الأستقرار ، الجماعه لن تنافس على أكثر من 25% من مقاعد مجلس الشعب !!!! لن ندخل الأنتخابات الرئاسية !!!
و بعد شويه تصريحات تانية الجماعه سوف تتنافس على 50% من مقاعد مجلس الشعب !!! عبد المنعم أبو الفتوح يرشح نفسه لرئاسة الجمهورية !!!
فاكرين يا ولاد تصريحات الحزب الوطني كانت شكلها إيه ؟
نجري الشريط شويه لحد أحداث أطفيح و إمبابة موقف الجماعه كان إيه حد سمع لهم صوت حد شاف واحد فيهم على شاشة تليفزيون غياب تام ليه علشان عندهم حاجات أهم ... الحزب إللي بيجهزوه !!!
فاكرين يا ولاد لما كان تحصل نصيبه كان حد بيشوف أعضاء الحزب الوطني ولا بيسمع صوتهم ؟
نجري الشريط شويه كمان و نوصل لجمعة الغضب التانية :
تصريحات أن الجماعه مش حتشارك في المليونيه ليه ؟
شوفوا الكليب ده
و بعدين تصريحات إنه لا مليونيه بدون الأخوان " تيييييييييييييييييت " ربنا كسفهم و حصلت مليونية محترمة
الثوره حرام " تييييييييييييييت تاني " طيب أنت كنتم معانا في 28 يناير ليه هي مش حرام ، كان لازم توضحوا التصريح يعني مثلا " الثوره على أهداف الجماعه حرام " أو " الثوره إللي مش حتنزل فيها الجماعه لا تجوز شرعا " . كده يعني علشان الواحد يفهم .
فاكرين يا ولاد لما كان أيام الثوره كان مشايخ الحزب الوطني بتطلع تقول إيه ؟
يجي بعد كده السيد المحترم صبحي صالح و يصرح بشوية حاجات مش حتوقف عندها لإن في ناس كتير ردت عليها أنا بس لفت نظري التصريح بتاع الأخواني ما يجوزش غير إخوانيه !!
بص يا عم صبحي :
هو ده تميز عنصري ولا إيه طيب في تعداد سمعتة قبل كدة أن عدد نساء الجماعه 9 أضعاف الرجال ولو إفترضنا أن كل راجل له 4 نساء شرعا يعني في 5 حيعنزوا !!!!
طيب بصوا على الكليب ده و قولوا رأيكم إيه في الراجل ده
و في النهاية الكليب دة صورتة يوم 27مايو من أمام المنطقة الشمالية العسكرية مع شوية شباب زي الفل و في رساله للجماعة تعالوا نشوفها
خواطر / إسلام قطب
خواطر / إسلام قطب
المشاركات
4 التعليقات:
بعد السلام عليكم و رحمة الله و بركاته
السيد المحترم /اسلام قطب الرجاء تحليل الكلام بحيادية و بتجرد دون التحيز لاحد و اود ان اوضح لحضرتك نقطة من النقط اذا اراد حزب ان يحصل على حوالى 35% فى المجلس فلابد ان يرشح حوالى 50% لكى ينجح حوالى 35%لان الواقع يقول ذلك لانه لم يحدث ابدا ان نجح احد فى اى انتخابات 100%
ثانيا انهم صرحوا انهم سوف يدخلون بنسبة حوالى 35% و ليست 25%كما ذكرت
ثالثا سوف اقدم لسيادتك فاتورة الاخوان فى السنوات الماضية منذ نشاتها
نطالب بمنح الاحزاب العلمانية كل المزايا التى حصل عليها الاخوان : 12 إعدام للقيادات 3000 عضو مؤبد .. 12000 عضو 15 سنةسجن .. 64000 عضو إعتقالات وتحفظ وحبس إحتياطى ..41000 أحكام متنوعة ..تشكيلة كده ..يعنى من كل لون بخلاف مخاكمات عسكرية على السريع لزوم ال...ترويع ..بالاضافة الى مصادرة الاموال الشخصية واغلاق الشركات والاستيلاء على الممتلكات والاصول بلا قانون ...ثم المنع من السفر طلبا للرزق ثم منع الالتحاق بوظائف النيابة أو كلية الشرطة أو السلك الدبلوماسى لأى حد من ريحتهم ..ثم إقتحام البيوت قبل الفجر ..وتفتيش الحقائب فى المطارات عند السفر ..يعنى قمة الدلع ..لايجب أن نحرم أحدا ..نطالب بالتعميم
و هذا للانصاف
و جزاكم الله خيرا
مع احترامى للاخ الذى قام بالتعليق لكن لى تعليق:
اولا ارقامك مرسله ليس لها سند وهذا ليس انكار لاضطهادكم
ثانيا: من قال ان النظام البوليسى العسكرى لم يضطهد غير الاخوان فهو عذب و اضطهد كل معارضيه و لكن الاخوان مسلط عليهم الضوء نظرا لقدرتهم على تسويق نفسهم و لنا فى ايمن نور و جماعه 6 ابريل مثال اضافه للخلفيه المترسبه لدى الشعب تجاه الجماعات الجهاديه منذ الثمانينات
ثالثا: و هو اهم ما فى الموضوع ان لا تتهم المختلف معك بالعلمانيه استعطافا للغير عالمين بالمصطلحات السياسه كما تفعلون على المنابر مع البسطاء
رابعا: اضافه لما قاله كاتب المقال احب ان اضيف ان الاخوان انتمائهم ليس لمصر بل لشيخكم البنا و لفكرتكم استاذيه العالم و انتم فى سبيل ذلك ممكن لكم التحالف مع الشيطان ذاته و ان تدوسوا على مصلحه مصر و تلك بعض الامثله الثلاثينيات:الإخوان مع الملك ضد الوفد، الخمسينيات:الإخوان ضد ناصر لمصلحة الأمريكان، السبعينيات:الإخوان مع السادات ضد اليسار والقوميين، نهاية السبعينيات:الإخوان مع كامب ديفيد ضد كافة القوى المصرية، التسعينيات:الإخوان مع قانون الإيجارات الزراعية ضد الفلاحين، 2005 الإخوان يترشحون في دوائر خالد محي الدين والحريري والبدري فرغلي ويخلون دوائر سرور وعزمي وعز،2011 الإخوان مع المجلس ضد الثوار
الم تسأل نفسك لماذا كل هذا الكم من المعتقلين و لم يعتقل المرشد؟ اترك لك باقى العمر للتفكير فى اجابه و شكرا
مع احترامى للاخ الذى قام بالتعليق لكن لى تعليق:
أولا بالنسبه للنسب اللى حضرتك علقت عليها فقد قام الإخوان فى أول تصريح لهم بأنهم لا يسعون للرئاسة ولن يطمحوا إلى الوصول إلى كرسى الرئاسة وأنهم لا يريدون أكثر من ثلث مقاعد مجلس الشعب ثم تطورا إلى 40% من المقاعد ثم إلى 50% حتى وصلوا قى أخر تصريح لمرشد الإخوان وكأنه يتطلع رأى الحضور بأنهم سوف يسيطرون على 100% من المقاعد وكأن الكرة تعيد نفسها مرة أخرى ومشهد أخر من مسلسلات الحزب الوطنى
ثانياً: بما أنك دقيق فى هذه النسب والتصريحات التى قيلت على لسان قيادات ومرشدى الإخوان وذكرك لأعداد من قدمهم الإخوان من تضحيات فما هو مرجعك أو مستنداتك بالنسبه لهذه الاعداد
وهل كل من ذكرتهم فى بياناتك غير مذنبين أم لم يكن لهم أى نشاطات إجراميه أو تخريبية ؟؟؟
مع احترامى لكاتب الموضوع وكل المعلقين
انا مش هقول غير كلمتين صغيرين لانى كل الاخوة قالة اللى انا عايز اقولة واكتر
الاخوان انتمائهم ليس لمصر ازاى يمسكوا البلد
الاخوان لو مسكوا الحكم هيخربوا البلد
إرسال تعليق